ارریہ : پارٹی اعلیٰ کمان نے شگفتہ عظیم کو ایک بڑی ذمہ داری دیتے ہوئے انہیں ریاستی جنرل سکریٹری نامزد کیا ہے، اس کے علاوہ مول چند گولچھا کو بھی ریاستی تنظیم میں شامل کیا گیا ہے۔
شگفتہ عظیم قبل سے ہی جدیو کی متحرک و فعال لیڈر کی حیثیت سے پورے بہار میں مشہور ہیں، یہی وجہ ہے کہ پارٹی نے اسمبلی کا ٹکٹ انہیں دیا تھا، شگفتہ عظیم اس سے قبل ارریہ ضلع پریشد کی چیرمین کے عہدے پر بھی رہ چکی ہیں۔
یہ بھی پڑھیں:Araria Mob Lynching: چوری کے الزام میں مسلم نوجوان کی ماب لنچنگ
پارٹی کی جانب سے ریاستی جنرل سکریٹری نامزد کیے جانے پر شگفتہ عظیم نے کہا کہ پارٹی نے مجھے ایک اہم ذمہ داری دی ہے، اسے پوری ایمانداری سے اور ذمہ داری کے ساتھ پورا کرنے کی کوشش کروں گی، اور پارٹی کو مضبوط و مستحکم بنانے کے لئے پوری طاقت جھونک دیں گے۔ شگفتہ عظیم نے مزید کہا کہ نتیش کمار نے بہار کی ترقی میں جو ایک لکیر کھینچی ہے اس لکیر کو پار کرنا اس وقت کسی بھی لیڈر کے بس میں نہیں، اقلیتوں کے مسائل اور حل کے لیے نتیش کمار ہمیشہ سے فکر مند رہے ہیں۔ ریاستی جنرل سکریٹری نامزد کئے جانے پر ارریہ سمیت پورے بہار سے جدیو رہنماؤں نے شگفتہ عظیم کو مبارکباد پیش کی ہے۔
