مونگیر: بہار کے مونگیر ضلع میں دردناک سڑک (Mungir Road Accident) حادثہ ہوا ہے جس میں چار لوگوں کی موت ہوگئی ہے۔ حادثے میں 6 لوگ زخمی ہیں۔ زخمیوں کو علاج کے لئے ہسپتال میں بھرتی کرایا گیا ہے۔ یہ حادثہ کھڑگ پور گنگاٹا شاہراہ کے نجری گاؤں کے نزدیک پیش آیا۔
قومی شاہراہ 333 پر منگل کی روز علی الصبح ٹرک اور آٹو کے تصادم میں یہ حادثہ پیش آیا۔ چشم دیدوں نے بتایا کہ گنگاٹا سے ایک آٹو پر زیادہ تر طالب علم سوار ہو کر حویلی کھڑگپور کی طرف جا رہے تھے۔ بچے ٹیوشن پڑھنے جا رہے تھے، اسی دوران دوسری جانب سے آرہی ایک تیز رفتار ٹرک نے آٹو کو ٹکر مار دی، جس سے دردناک حادثہ (massive road accident in munger) پیش آیا اور موقع پر ہی دو طلبا اور دو طالبات کی موت ہوگئی۔
سبھی طالب علم گنگاٹا علاقے کے چندن پورا اور رائے پورا کے آس پاس کے رہنے والے بتائے گئے ہیں۔ حادثے سے ناراض ہوکر مقامی لوگوں نے ٹرک کو آگ کے حوالے کر دیا اور ہویلی کھڑگپور شاہراہ پر شدید احتجاج کرنے لگے۔
مزید پڑھیں:
- Road Accident In Dhanbad: دھنباد سڑک حادثہ میں پانچ افراد ہلاک
- Bihari Chapa Clothes: بہار میں مسلم گھرانوں کی شادی چھاپہ کپڑوں کے بغیر ادھوری
مقامی ایس ڈی پی راکیش کمار نے بتایا کہ حادثہ کیسے ہوا اس کا فی الحال پتہ نہیں چل پایا ہے، جب کہ ٹرک اور آٹو آمنے سامنے سے ٹکرائی ہے۔ جس میں چار کی موت ہوئی ہے۔ موقع پر پولیس کیمپ کر رہی ہے۔
مقامی لوگوں کی مدد سے زخمیوں کو ہسپتال پہنچایا گیا ہے، جس میں سے دو کی حالت نازک ہے۔
