بہار کے وزیراعلیٰ نتیش کمار نے ہفتے کے روز اپنے تعزیتی پیغام میں کہا ہے کہ مولانا سید محمد ولی رحمانی کے انتقال کی خبر سے وہ دلبرداشتہ ہیں۔ ان کا نام بہار اور ملک کے مشہور عالم دین میں شامل تھا۔ رحمانی صاحب کے ساتھ ان کے پہلے سے بہت اچھے تعلقات رہے ہیں اور کئی اہم امور پر ان کے ساتھ بات چیت ہوتی رہتی تھی۔
انھوں نے کہا کہ وہ آل انڈیا مسلم پرسنل لا بورڈ کے جنرل سکریٹری بھی تھے۔ وہ رحمانی 30 کے بانی تھے اور بہار قانون ساز کونسل کے ممبر بھی رہے چکے ہیں۔
وزیراعلیٰ نے خود رحمانی کے بیٹے سے فون پر بات کر کے سوگوار خاندان کو صبر کی تلقین کی اور کہا کہ حضرت مولانا سید محمد ولی رحمانی صاحب کی تدفین سرکاری اعزاز کے ساتھ ہوگی۔
نتیش کمار نے کہا کہ خدا ان کو جنت میں بلند مقام عطا کرے اور سوگوار خاندان کو قوت برداشت عطا کرے۔
