پولیس ذرائع نے آج یہاں بتایا کہ متوفیہ کی شناخت سمرن راج (25) کے طور پر کی گئی ہے۔ متوفیہ کے والد ویشالی تھانہ علاقہ کے حسینا گاﺅں باشندہ اوم ناتھ سنگھ نے اس سلسلے میں سمرن کے شوہر اکھلیش راج سنگھ سمیت چار لوگوں کے خلاف متعلقہ تھانے میں جہیز کی لالچ میں ان کی بیٹی کے قتل کئے جانے کی ایف آئی آر درج کرائی ہے۔
ذرائع نے بتایا کہ درج ایف آئی آر میں کہا گیا ہے کہ سمرن کی شادی سال 2015 میں ضلع کے بھگوان پور تھانہ علاقہ کے رتن پورا گاﺅں کے اکھلیش راج سنگھ کے ساتھ ہوئی تھی۔ اس کے بعد سے جہیز کے لئے سمرن کو اس کے سسرال والوں نے پریشان کرنا شروع کر دیا۔
تشدد اتنی زیادہ بڑھ گئی کہ کل دیر رات سسرال والوں نے سمرن کا گلا دبا کر قتل کر دیا۔
ذرائع نے بتایا کہ واقعہ کے بعد سے اکھلیش سمیت اس کے کنبہ کے سبھی ملزم اراکین فرار ہیں۔ پولیس سبھی ملزمین کی گرفتاری کیلئے چھاپے ماری کر رہی ہے۔ لاش پوسٹ مارٹم کیلئے آج حاجی پور صدر اسپتال بھیج دی گئی ہے۔
