بہار میں 30 لاکھ سے زائد غریب خاندان کو اب تک راشن کارڈ نہیں ملا

آر جے ڈی کے چیف ترجمان بھائی وریندر نے کہا کہ جو محتاج ہیں انہیں راشن کارڈ نہیں مل رہے ہیں۔ جو لوگ پیروی کرتے ہیں اور ان تک پہنچ رکھتے ہیں ان کے لئے راشن کارڈ بنائے جارہے ہیں۔ حکومت نے 30 مئی کا وقت مقرر کیا تھا لیکن اب تک غریبوں کو راشن کارڈ نہیں مل سکے ہیں۔

لاک ڈاؤن کے دوران نتیش حکومت نے ریاست کے ان غریبوں کے لئے راشن کارڈ بنانے کا اعلان کیا تھا جن کے پاس پہلے سے راشن کارڈ نہیں ہیں۔

راشن کارڈ دینے کے لئے 30 مئی تک کا وقت دیا گیا تھا، لیکن اب تک ضرورت مند افراد کو راشن کارڈ نہیں مل سکے ہیں۔ اس سارے معاملے پر اپوزیشن نے حکومت کے کام کاج پر سوالات اٹھائے ہیں۔

بہار میں لاک ڈاؤن کے دوران لاکھوں کنبے تھے جو بھوک مری کا شکار ہوگئے۔ ان حالات میں حکومت نے راشن کارڈ والے خاندانوں کے لئے راشن کارڈ بنانے کا اعلان کیا تھا۔

سروے کے بعد کہا گیا کہ 30 لاکھ غریب خاندانوں کو راشن کارڈ فراہم کریں گے۔ اس کے لئے تاریخ 30 مئی تک مقرر کی گئی تھی، لیکن اب تک یہ کام نہیں ہوسکا۔

آر جے ڈی کے چیف ترجمان بھائی وریندر نے کہا کہ جو محتاج ہیں انہیں راشن کارڈ نہیں مل رہے ہیں۔ جو لوگ پیروی کرتے ہیں اور ان تک پہنچ رکھتے ہیں ان کے لئے راشن کارڈ بنائے جارہے ہیں۔ حکومت نے 30 مئی کا وقت مقرر کیا تھا لیکن اب تک غریبوں کو راشن کارڈ نہیں مل سکے ہیں۔

اس سارے معاملے پر بہار حکومت کے منصوبہ بندی و ترقی کے وزیر مہیشور ہزاری نے ان الزامات کا جواب دیا۔ انہوں نے کہا کہ ایسے مواقع پر بھی اپوزیشن کو سیاست سے چھٹکارا نہیں مل رہا ہے۔ حکومت نے سروے کا کام مکمل کرلیا ہے اور راشن کارڈ چھپنے کے عمل میں ہے۔ غریبوں کو 1 ہفتے کے اندر راشن کارڈ دیئے جائیں گے۔ وزیر نے کہا کہ وہ نتیش کمار ہیں وہ جو کہتے ہیں وہ کرتے ہیں۔