ریاست بہار میں کورونا کا قہر جاری ہے، یہاں دربھنگہ لوکل باڈی کوٹے سے قانون ساز کونسل رکن سنیل سنگھ کا آج دیر شام پٹنہ کے ایمس میں انتقال ہوگیا۔
رکن قانون ساز کونسل کرونا سے متاثر تھے اور وہ پٹنہ کے ایمس میں زیر علاج تھے، وزیراعلیٰ نتیش کمار نے سنیل سنگھ کے انتقال پر شدید رنج و غم کا اظہار کیا ہے۔
وزیراعلیٰ نے کہا ہے کہ سنیل کمار سنگھ کی لوگوں میں کافی مقبولیت تھی، سماجی کاموں میں ان کی گہری دلچسپی تھی، ان کا کہنا تھا کہ 'وہ اپنے سماجی اور رفلاحی کاموں کی وجہ سے سبھی طبقے کے لوگوں میں مقبول تھے، ان کے انتقال سے سیاسی اور سماجی حلقہ میں ایک خلا پیدا ہو گیا، وزیراعلیٰ نے انہیں خراج عقیدت پیش کیا اور ان کے اہل خانہ کے تئیں ہمدردی کا اظہار کیا۔
