کھگڑیا میں پک اپ وین سے کثیر مقدار میں شراب برآمد، دو گرفتار

بہار میں کھگڑیا ضلع کے بیلدور تھانہ علاقہ سے پولیس نے جمعہ کو کثیر مقدار میں انگریزی شراب کے ساتھ دو لوگوں کو گرفتار کرلیا۔

پولیس ذرائع نے یہاں بتایا کہ پنچلوا زیرو مائل کے نزدیک گاڑیوں کی چیکنگ کی جارہی تھی۔ اس دوران ایک پک اپ وین کو روک کر تلاشی لی گئی۔

تلاشی کے دوران پک اپ وین سے آم کی ٹوکری کے نیچے چھپاکر رکھی گئی ایک بوری سے 856 بوتل انگریزی شراب برآمد کی گئی۔

ذرائع نے بتایا کہ اس سلسلے میں پک اپ وین ڈرائیور مدھے پورا ضلع باشندہ محمد اورنگ زیب اور کھگڑیا ضلع کے گوگری تھانہ علاقہ باشندہ خلاصی ہیرا لال منڈل کو گرفتار کر لیا گیا ہے۔ پولیس ان سے تفتیش کر رہی ہے۔

یو این آئی