کیمور: قتل معاملے میں سیاست شروع

تراؤں دوہرے قتل معاملے میں سیاست شروع ہو گئی ہے، ہلاک شدہ شخص کے گھر پر سیاسی رہنماؤں کی آمد کا سلسلہ جاری ہے، جے ڈی یو رہنما پرمود رامچندر ونشی ہلاک شدہ شخص کے گھر پہنچے اور انہیں کارروائی کی یقین دہانی کرائی۔

ریاست بہار کے کیمور ضلع کے رام پور بلاک کے تراٶں میں سنیچر کی رات ہوئے دوہرے قتل معاملے کو لیکر سیاست شروع ہو گئی ہے، سیاسی رہنماؤں کا متاثرہ خاندان سے ملنے کا سلسلہ جاری ہے، جے ڈی یو کے رہنما پرمود چندرونشی تراٶں پہنچے ، ان کے ہمراہ دیگر رہنما موجود تھے، ان رہنماؤں نے جہاں متاثرہ خاندان سے ملاقات کی اور ہلاک شدہ شخص سے متعلق سے تفصیلات معلوم کی، وہیں اس معاملے سے متعلق وزیر اعلی سے بات چیت کرنے کی بات کہی۔

ملاقات کے دوران پرمود چندرونشی نے اہل خانہ یو یقین دہانی کراتے ہوئے کہا کہ وہ ملازمت کے ساتھ ساتھ پورے معاملے کی اسپیڈ ٹرائل کے ذریعے کیس کی جلد از جلد سماعت کے علاوہ بیوہ کو سرکاری امداد سمیت سیکیورٹی انتظام کے لیے وزیر اعلی نتیش کمار کو آگاہ کریں گے۔