بہار کے گورنر پھاگو چوہان نے جیتن رام مانجھی کو اسپیکر کے فرائض کو عقیدت کے ساتھ ادا کرنے کا حلف دلایا۔ مانجھی کو گورنر نے بھارتی آئین کے ذریعہ دیے گئے اختیارات کا استعمال کرتے ہوئے 23 نومبر سے 24 نومبر تک کے لیے جب تک اسمبلی اسپیکر کا انتخاب نہیں ہو جاتا ہے تب تک اسپیکر کے فرائض کی ادائیگی کے لیے مقرر کیا گیا ہے ۔
مانجھی 1980 میں پہلی بار فتوحہ ( محفوظ ) سیٹ سے بہار اسمبلی کے رکن منتخب ہوئے تھے ۔ اس کے بعد وہ 1985 میں دوبارہ فتوحہ( محفوظ ) سے انتخاب جیتنے میں کامیاب رہے۔ مانجھی اس کے بعد سال 2005 میں بارہ چٹی ( محفوظ ) ، سال 2010 میں مخدوم پور ( محفوظ ) ، سال 2015 اور سال 2020 میں امام گنج ( محفوظ) سے انتخاب جیت کر اسمبلی پہنچے۔
