ریاست بہار میں حکومت نے بڑے پیمانے پر ضلع کلکٹر کا تبادلہ کیا ہے جس کے تحت ارریہ کے ضلع کلکٹر کا بھی تبادلہ کیا گیا۔
سابق ضلع کلکٹر بیجناتھ یادو کے پروموشن کے ساتھ محکمہ صحت پٹنہ کا سکریٹری بنایا گیا ہے جبکہ ارریہ ضلع کی کمان آئی ایس پرشانت کمار کے حوالے کرتے ہوئے ان کو نیا ضلع کلکٹر متخب کیا گیا ہے۔
ضلع کلکٹر پرشانت کمار کے ضلع کلکٹریٹ کا عہدہ سنبھالتے ہی اعلیٰ افسران نے ان کا پرجوش استقبال کیا اور گلپوشی دے کر خوش آمدید کہا۔
واضح رہے کہ ضلع کلکٹر پرشانت کمار ایک برس قبل ارریہ میں ہی ایس ڈی او کے عہدے کے ساتھ خدمت انجام دے رہے تھے اس کے بعد انہیں مونگیر کا ڈی ڈی سی بنا کر بھیج دیا گیا۔
صحافیوں سے بات کرتے ہوئے ضلع کلکٹر پرشانت کمار نے کہا کہ ارریہ ضلع ہمارے لیے کوئی نیا نہیں ہے اس ضلع سے اور یہاں کے مسائل سے میں بخوبی واقف ہوں۔
پرشانت کمار نے کہا کہ ہماری ترجیحات کاموں میں ریاستی حکومت کے ذریعہ چلائے جارہے مختلف منصوبوں کو عوام تک پہنچانا، جل جیون ہریالی کو بہتر انداز میں نافذ کرنا، ضلع میں نظم و نسق بہتر بنانا ہے.
اس کے بعد ضلع کلکٹر نے تمام اعلیٰ افسران کے ساتھ ایک اہم نشست بھی منعقد کی جس میں ضلع میں چل رہے کاموں کا جائزہ لیا گیا۔
اس موقع پر اے ڈی ایم انیل کمار، ایس ڈی او روزی کماری، سول سرجن ڈاکٹر سریش پرساد سمیت درجنوں افسران موجود تھے.
