بجٹ امیروں کے لیے ہے: رابڑی دیوی

بہار کی سابق وزیراعلیٰ نے عام بجٹ کے بعد بی جے پی پر الزام عائد کیا کہ یہ بجٹ امیروں کے لیے ہے نہ کہ غریبوں کے لیے۔

ریاست بہار کی سینیئر رہنما سابق وزیراعلیٰ اور لالو یادو کی اہلیہ رابڑی دیوی نے کہا کہ بجٹ کارپوریٹ گھرانوں کے لیے ہے غریبوں اور عوام کے لیے اس بجٹ میں کچھ بھی نہیں ہے۔

انہوں نے کہا کہ اس بجٹ میں غریبوں کو نظر انداز کیا گیا ہے نریندر مودی اور امیت شاہ ملک کو برباد کرنا چاہتے ہیں۔

رابڑی دیوی نے مرکزی بجٹ پر ایوان کے باہر ردعمل کا اظہار کرتے ہوئے کہا کہ پہلی بار خاتون وزیر مالیات بجٹ پیش کررہی ہیں انہیں عورتوں کے لیے اس میں خصوصی انتظام کرنا چاہیے اور ان کو پورے ملک کی عورتوں کی حفاظت کو یقینی بنانا چاہیے۔

رابڑی دیوی نے کہا کہ بہار کے عوام کو حکومت نے ٹھگنے کا کام کیا ہے۔