پکنک اسپاٹ کرکٹ گڑھ آبشار سے دیر شام پکنک منا کر ایک پک اپ گاڑی سے لوٹ رہے درجن بھر نوجوان لرسا ندی کے تیز بہاٶ میں بہہ گئے ۔جس سے موقع پر دو نوجوان کی موت ہو گئی اور دیگر نو نوجوان جان بچانے میں کامیاب رہے۔
پانی کے تیز بہاٶ کی وجہ سے گاڑی پانی اور پہاڑی کے درمیان لٹک گئی۔ زندہ بچے لوگ قریب چار گھنٹے تک زندگی اور موت کے بیچ ایک درخت کے ڈال پر لٹکتے رہے۔ قریب چار گھنٹے بعد کسی راہ گیر نے دیکھ کر شور مچایا، جس سے آس۔پاس کے لوگ جمع ہوئے اور لٹکے ہوئے لوگوں کی جان بچائی جا سکی۔
اطلاعات کے مطابق مرنے والوں میں ایک اتر پردیش کا بھی باشندہ شامل ہے۔ چندولی ضلع کے ببوری تھانہ علاقہ کے رامپور جمہریاں رہاٸشی نول کشور گپتا کا بیٹا راجیندر گپتا اور ضلع کے موہنیاں تھانہ کے کٹرا کلا رہائشی رام جی پرساد گپتا شامل ہیں۔ دونوں متوفی آپس میں رشتہ دار بتائے جا رہے ہیں۔
چند دوست جس میں چین پور تھانہ کے ہاٹا رہائشی ستیندر گونڈ، لالو گونڈ، پردومن گونڈ، سونو گونڈ کے علاوہ رہتاس کے کوجس رہاٸشی رامجی پرساد، راجیندر پرساد، یوپی کے چکیا رہائشی اجے پرساد کے علاوہ دونوں متوفی پکنک منانے کے لیے ضلع کے خوبصورت ڈیم کے طور پر مشہور پہاڑ اور جنگل کی گود میں واقع کرکٹ گڑھ پیکپ گاڑی پر سوار ہو کر گئے تھے۔
پکنک منانے کے بعد پہاڑ پر اچانک تیز بارش ہونے لگی۔ اس بیچ تمام سیاح جلد بازی میں پہاڑ کی وادی سے پک اپ پر سوار ہو کر واپس لوٹنے لگے، جیسے ہی آگے بڑھے تبھی پتھریلا راستہ پر اچانک لرسا ندی کے پانی کا تیز بہاٶ آیا اور پک اپ سمیت سبھی لوگوں کو آدھا کلومیٹر دور تک بہا لے گیا۔
