ریاست بہار کے کیمور ضلع کی عوام نے اُس وقت راحت کی سانس لی جب کوروناوائرس سے متاثرہ 16 افراد کے صحت یاب ہونے کے بعد ضلع انتظامیہ نے انہیں گھر روانہ کیا۔
بتا دیں کہ ضلع میں کورونا کے کُل 31 معاملات درج ہوئے ہیں جن میں سے16 مکمل طور پر صحت یاب ہو چکے ہیں، جنہیں ڈسٹرکٹ ہیلتھ ڈیپارٹمنٹ نے اپنے اپنے گھروں کو واپس بھیج دیا ہے۔
نمائندے کے مطابق ضلع میں کوروناوائرس سے مثبت پائے گئے سبھی افراد بشمول صحت یاب ہوئے افراد کو بھبھوا قرنطینہ مرکز میں رکھا گیا تھا۔
صدر اسپتال بھبھوا کے منیجر اور محکمہ صحت کے ڈی پی ایم کی نگرانی میںتمام 16 مریضوں کی اسکریننگ کی گئی جس میں سب کی حالت مستحکم پائی گی اور بعد ازاں صحت یاب ہوئے سبھی افراد کو ان کے گھر پہنچایا گیا۔
اس سے قبل صدر اسپتال میں صحت یاب ہوئے سبھی مریضوں کو پھولوں کی مالائیں پہنانے کے علاوہ تالیاں بجا کر ہر ایک کی حوصلہ افزائی کی گئی۔
کوروناوائرس کے 16 افراد کے صحت یاب ہونے سے ضلع انتظامیہ نے راحت کی سانس لی ہے۔
ضلع میں اس وقت کل 15 مثبت کیس موجود ہیں جو اس وقت زیر علاج ہیں۔
