ریاست بہار کے ضلع کیمور میں دہلی مرکز کی ہوا پہونچ چکی ہے۔ موباٸل لوکیشن کی بنا پر ضلع میں 38 تبلیغی جماعت کے ارکان کی موجودگی کا پتہ چلا ہے۔
ضلع انتظامیہ اور محکمہ صحت کی ٹیم نے 38 میں سے 19 تبلیغی جماعت کے ارکان کو کھوج نکالا ہے۔ دیگر کی تلاش جاری ہے۔
محکمہ صحت اور پولیس کی جانب سے سامنے آئے 19 تبلیغی جماعت کے ارکان کا لعاب بطور سیمپل لے کر جانچ کے لئے پٹنہ بھیج دیا گیا ہے۔
اطلاع کے مطابق سبھی 19 کو بھبھوا بھویش کالج میں بنے کورنٹائن سینٹر میں رکھا گیا ہے۔ جہا ں ان کی تھرمل اسکریننگ بھی کی گئی ہے۔
واضح رہے کہ محکمہ داخلہ کی جانب سے حکومت بہار کو دہلی کے نظام الدین میں 14 مارچ کے بعد تبلیغی جماعت کے پروگرام میں بہار سے جانے والوں کی فہرست مہیا کرائی گئی تھی۔ جس میں کیمور سے بھی 38 لوگوں کے جماعت کے پروگرام میں شامل ہونے کا معاملہ سامنے آیا ہے۔ ضلع انتظامیہ نے ابتک موباٸل لوکیشن کی بنا پر 19 لوگوں کی پہچان کر انہیں کورنٹائن سینٹر میں رکھا ہے۔
