سیمینار میں اسکول کے طلبہ و طالبات نے شراب کی برائیوں پر روشنی ڈالی، ساتھ ہی اس سے بچنے کے طریقے بھی بتائے۔
اس موقع پر انعامی مقابلے بھی رکھے گئے جس میں کامیاب طلبہ و طالبات کو ایس پی کمار آشش کے ہاتھوں انعامات کے طور پر سرٹیفیکیٹ دیا گیا۔
سیمینار کے اختتام پر میڈیا سے گفتگو کرتے ہوئے کمار آشش نے کہا کہ نوجوانوں کو یہ پیغام دینا چاہوں گا کہ شراب سے دور رہیں۔ نہ صرف شراب بلکہ ہر اس نشے سے دور رہیں جو صحت کے لئے، زندگی کے لئے نقصان دہ ہو۔
ایس پی نے نوجوانوں سے یہ بھی اپیل کی کہ زندگی کا مقصد سمجھیں، کچھ ایسا کیجئے جس سے والدین کے ساتھ ساتھ سماج اور ملک کا بھی فائدہ ہو۔
اس سیمینار میں ایس پی کمار آشش مہمان خصوصی کے طور پر تشریف لائے تھے۔ اس کے علاوہ ضلع پارشد عمران عالم، بہادرگنج داروغہ سمن کمار، راشٹریہ جنتا دل کے سینیئر لیڈر شاہد عالم، احتشام انجم وغیرہ بھی موجود رہے۔
