سِول کورٹ میں بدعنوانی کے معاملے پر جواب طلب

پٹنہ سِول کورٹ میں رشوت خوری کے معاملے پرہائی کورٹ نے سماعت کرتے ہوئے پٹنہ ہائی کورٹ انتظامیہ کو 23 ستمبر تک جواب دینے کا وقت مقرر کیا ہے۔

جسٹس ایس پانڈے کی بینچ نے وکیل دنیش کمار کی مفاد عامہ کی عرضی پر سماعت کی۔

دنیش کمار نے اس معاملے پر اپنی بحث پوری کرتے ہوئے کہا کہ 'نچلی عدالتوں میں بڑے پیمانے پر رشوت خوری کے معاملے سامنے آرہے ہیں۔ ان پر مؤثر طریقے سے کارروائی کرنے کی ضرورت ہے لیکن اب تک کوئی ٹھوس قدم نہیں اٹھایا گیا ہے۔'
واضح رہے کہ اس معاملے کی اگلی سماعت آئندہ 23 ستمبر کو مقرر کی گئی ہے