پٹنہ: قوم کے نونہالوں کو مقابلہ جاتی امتحانات کی تیاری کرانے اور ان کے مستقبل کو روشن کرنے کے لیے مولانا سید ولی رحمانیؒ نے تھرٹی (Rahmani 30) رحمانی کی بنیاد ڈالی تھی، آج وہ کامیاب ہوتے دکھ رہی ہے، مولاناؒ کی خواہش تھی کہ اسکول میں پڑھنے والے بچوں کی بہتر تعلیم و تربیت اور ان کے مقابلہ جاتی امتحانوں کی تیاری کے سلسلے میں کچھ الگ کرنے کی ضرورت ہے، جو وقتی نہیں بلکہ ایک تحریک کی شکل میں لوگوں کے سامنے آئیں جس سے بلا مذہب و ملت سبھی لوگ فیضیاب ہو سکیں. رحمانی 30 اسی کی ایک مثال ہے۔ مذکورہ باتیں رحمانی 30 کی جانب سے منعقد رحمانی 30 سے میڈیکل داخلہ امتحان NEET میں کامیاب طالبات کی اعزازیہ تقریب سے خطاب کرتے ہوئے رحمانی 30 کے ڈائریکٹر فہد رحمانی نے کہی۔
انہوں نے کہا کہ یہ ہمارے لیے قابل دید لمحہ ہے جب ہمارے ادارے سے 50 میں 31 طالبات نے نیٹ امتحان میں کامیابی حاصل کر گورنمنٹ کالج میں داخلہ لیں گے۔ ہم لوگوں نے ایک ہدف طے کیا تھا کہ اس امتحان سے زیادہ سے زیادہ طلبہ و طالبات کو سرکاری کالج میں داخلہ کرانا ہے جس کے لئے ہمارے ادارے کے تمام اساتذہ نے نہ صرف محنت کی بلکہ لاک ڈاؤن کے زمانے میں پوری کلاسز آن لائن ہوئی، کلاس میں بالکل بھی لاپرواہی نہیں برتی گئی اور نتیجہ سامنے ہیں۔
یہ بھی پڑھیں: Journalist's Murder: بہار کے مدھوبنی میں نوجوان صحافی کا زندہ جلاکر قتل
بھوپال: مرحوم عبد الجبار کو گیس متاثرین کی خدمات کیلئے پدم شری ایوارڈ
میڈیکل میں کامیاب ہونے والی عارفہ اعجاز نے کہا کہ رحمانی تھرٹی نے ہم لوگوں کے لئے ایک ایسا خوشگوار ماحول بنایا جس سے کلاس کرنے میں کوئی پریشانی نہیں ہوئی، یہاں سب سے خاص بات یہ ہے کہ یہاں اسلامی تہذیب و تمدن کے ساتھ تعلیم ہوتی ہے، اس سے ذہن پر اچھا اثر پڑتا ہے۔
