پروگرام میں مہمان خصوصی کی حیثیت سے گجرات کے رکن اسمبلی و دلت لیڈر جگنیش میوانی، جامعہ ملیہ اسلامیہ سے لدیدہ فرزانہ، جواہر لال نہرو یونیورسٹی سے پرینکا چترویدی، پٹنہ سے روپیش کمار، گجرات سے دیو دسائی نے شرکت کی۔
پروگرام میں ضلع کے تمام بلاک و پنچایت سے لاکھوں کی تعداد میں عوام پہنچی اور شہریت ترمیمی قانون کے خلاف آواز بلند کی۔ پروگرام سے خطاب کرتے ہوئے جگنیش میوانی نے کہا کہ مودی سرکار اپنی ناکامی چھپانے کے لیے ان چیزوں کو سامنے لائی ہے، یہ بھارت ہمارا ہے، جس نے یہاں ولادت لی ہے وہ یہاں کا شہری ہے، ہم کسی بھی قیمت پر کاغذات نہیں دکھائیں گے۔ مودی جی نے بےروزگاری ، ملک کی ترقی، کسان کی خوشحال جیسے مدعوں کو سامنے دکھا کر حکومت میں آئی تھی مگر آج حال کیا ہے، ہم سب بخوبی واقف ہیں۔
پروگرام سے خطاب کرتے ہوئے جامعہ ملیہ اسلامیہ کی لدیدہ فرزانہ نے کہا کہ جامعہ میں پولیس نے جس طرح سے بربریت کی وہ سب ہماری آنکھوں کے سامنے گھوم رہے ہیں، کبھی سوچا نہیں تھا کہ ہم لوگوں کو آزاد ہندوستان میں یہ دن دیکھنے پڑیں گے۔
مودی جی بیٹی پڑھاؤ، بیٹی بچاؤ کا نعرہ دیتے ہیں مگر اس کی کیا حقیقت ہے وہ سب آپ لوگوں نے دیکھ لیا۔ پروگرام سے خطاب کرنے والوں میں بھیم آرمی سینا کے منوج بھارتی، جامعہ ملیہ اسلامیہ کی چندا یادو، سابق رکن پریشد حیدر یاسین ، راشد انور وغیرہ نے بھی خطاب کیا۔
