فلم اداکار سشانت سنگھ راجپوت کی خود کشی کا معمہ حل ہونے کا نام نہیں لے رہا ہے۔ ہر روز نئے انکشافات ہو رہے ہیں۔ منوج تیواری سشانت سنگھ راجپوت کے خاندان کے افراد سے ملنے دہلی سے پٹنہ پہنچے۔
منوج تیواری نے کہا کہ جو لوگ چھوٹے شہروں سے ممبئی یا بالی ووڈ جاتے ہیں ان کے ساتھ امتیازی سلوک کیا جاتا ہے اور سشانت اس کا شکار ہوئے ہیں۔ سشانت کے ساتھ جو کچھ ہوا ہے اس کا ثبوت ہے کہ بالی ووڈ میں ان کے ساتھ امتیازی سلوک کیا جارہا تھا۔
منوج تیواری نے کہا ہے کہ بگ باس میں شامل ہونے کے دوران ان کے ساتھ بھی بہت کچھ ہوا۔ یہ پوچھے جانے پر کہ کیا انہیں سلمان خان کے شو بگ باس میں نشانہ بنایا جارہا ہے؟ منوج تیواری نے کہا کہ سب جانتے ہیں کہ بالی ووڈ چھوٹے شہر سے آنے والے فنکاروں کے ساتھ کس طرح سلوک کرتا ہے ، لہذا ہم حکومت سے اعلی سطح کی تحقیقات کا مطالبہ کرتے ہیں۔ جو بھی قصوروار ہے اسے سزا ملنی چاہئے۔
