کیمور: قومی شاہراہ پر کھڑی ٹرک خاکستر

ریاست بہار کے ضلع کیمور میں بالو سے لدی ٹرک ’’شارٹ سرکٹ‘‘ کے سبب خاکستر ہو گئی تاہم حادثے میں کسی جانی نقصان کی کوئی اطلاع نہیں۔

ضلع کیمور کے موہنیاں تھانہ حلقہ میں قومی شاہراہ پر ہفتہ کی صبح ایک ٹرک حادثاتی طور لگی آگ کے سبب خاکستر ہو گئی۔ تاہم اس حادثے میں کسی جانی نقصان کی کوئی اطلاع نہیں۔

ٹرک ڈرائیور کے مطابق وہ بہار کے بارون اورنگ آباد سے اتر پردیش کے وارانسی جا رہے تھے تبھی موہنیاں تھانہ کے کوڑی رام بریج کے پاس شارٹ سرکٹ کے سبب ٹرک میں آگ نمودار ہو گئی۔

ڈرائیور نے مزید کہا کہ اس حادثے میں جانی نقصان نہیں ہوا تاہم ٹرک میں بالو لدا ہوا تھا اور ٹرک کو آگ کے سبب کافی نقصان پہنچا۔

انہوں نے کہا کہ یہ حادثہ صبح قریب 5:30بجے رونما ہوا اور ٹرک میں لگی آگ کو دیکھ مقامی باشندوں نے آگ بجھانے میں انکی مدد کی۔