شاہنواز حسین نے جمعہ یہاں کاروباری افراد کے ساتھ بات چیت پروگرام میں کہاکہ بہار صنعتی علاقائی ترقی اتھارٹی کی زمین پر تقریباً 51 ایکڑ علاقہ میں بن رہنے پیپسی کے باٹلنگ پلانٹ کی تعمیر کا کام اسی برس دسمبر تک مکمل کرنے کا ہدف ہے۔ اس کے بعد اس پلانٹ سے پیداوار شروع ہوجائے گی۔ انہوں نے کہاکہ 2021میں پیپسی کمپنی کو زمین دی گئی تھی اور ایک برس سے بھی کم وقت میں یہ پلانٹ بن کر تیار ہوجائے گا۔
یہ بھی پڑھیں: افغانستان کے ماضی، حال اور مستقبل کی سیاست پر اہم گفتگو
وزیر نے کہاکہ جو لوگ بہار کے انڈسٹرلائزیشن کو ناممکن سمجھ رہے ہیں، بیگو سرائے پیپسی باٹلنگ پلانٹ کی پیش رفت ان کے لئے مثال ہے۔ بیگو سرائے قومی شاعر رام دھاری سنگھ دنکر اور بہار کیسری بابو کی زمین ہے۔ بابو کے وقت بیگو سرائے صنعتی ترقی کے معاملے میں بہار کے فرنٹ لائن اضلاع میں شامل رہا ہے۔ انہوں نے کہا کہ بہار میں اب صنعتوں کا ماحول بن چکا ہے اور خوشحال اور ترقی یافتہ ریاست کا بابو کا خواب ضرور پورا ہوگا۔ بہار میں آج ایسی اچھی حکمرانی ہے کہ یہاں بڑی بڑی صنعتیں بغیر کسی رکاوٹ اور پریشانیوں کے شروع ہورہی ہیں۔
یو این آئی
