اسلحہ کے ساتھ تین بدمعاش گرفتار

بہار کے ضلع بکسر کے نگر تھانہ علاقہ کے آدرش نگر محلہ سے پولیس نے تین بدمعاشوں کو اسلحہ کے ساتھ گرفتار کیا ہے۔

پولیس سپرنٹنڈنٹ اپندر ناتھ ورما نے آج یہاں بتایاکہ اطلاع کی بنیاد پر کل دیر رات آدرش نگر محلہ میں واقع ایک ٹھکانے پر چھاپے ماری کی گئی، اس دوران تین بدمعاشوں کو گرفتار کرلیا گیا۔

انہوں نے بتایاکہ گرفتار بدمعاشوں کے پاس سے ایک دیسی کٹا، کچھ کارتوس، 40 ہزار روپے، ایک موبائل فون، موٹر سائیکل اور کار برآمد کی گئی ہیں۔

پولیس سپرنٹنڈنٹ نے مزید بتایاکہ گرفتار بدمعاشوں کی پولیس کو ایک گیس ایجنسی کے ملازم سے ڈھائی لاکھ روپے کی لوٹ کے معاملے میں تلاش تھی ۔ پولیس ان سے تفتیش کر رہی ہے۔