ورچوئل ریلی سے خطاب کرتے ہوئے وزیر اعلی نے حزب اختلاف پر جم کر طنز کیا ساتھ ہی ان کے دور اقتدار کے بہار کا نقشہ پیش کیا۔ وزیراعلیٰ نتیش کمار نے اپنی پارٹی 'جے ڈی یو' کے ذریعہ منعقد ورچوئل ریلی سے خطاب کرتے ہوئے 15 سال بنام 15 سال کو پیش کرتے ہوئے حزب اختلاف کے دور اقتدار کی خامیوں کا ذکر کیا۔
ڈیڑھ گھنٹے سے زیادہ کے اپنے خطاب میں وزیر اعلیٰ نتیش کمار نے حزبِ اختلاف پر جم کر طنز کیا۔ وزیر اعلیٰ نے اپنے 15 سالہ دور اقتدار میں 7 عزائم کے ذریعہ کئی ترقیاتی کاموں کا ذکر کرتے ہوئے سڑکوں، پل، بجلی تعلیم اور شعبہ صحت کی بہتر کارکردگی کا ذکر کیا۔
مزید پڑھیں:
بہار میں میں ان لاک ۔4 شروع
انہوں کرونا کے لئے کئے گئے کاموں اور مریضوں کو دی جانے والی سہولیات کا ذکر کیا۔ مزید انہوں نے میاں بیوی 'لالو اور رابڑی' دیوی کے 15 سالہ دور اقتدار کا ذکر کرتے ہوئے کہا کہ لوگوں کو یاد ہے اس دور میں جرائم کا کیا حال تھا۔
