ریاست بہار کے کیمور ضلع کے رام پور بلاک علاقہ میں تالاب میں غرقاب ہونے سے ایک چودہ سالہ لڑکے کی موت ہونے کی اطلاع موصول ہوئی ہے۔
تفصیلات کے مطابق گزشتہ دیر شب لڑکا دیر شام تالاب کنارے بیت الخلا کے لیے گیا تھا لیکن آج صبح میں مقامی لوگوں کو تالاب کے کنارے لڑکے کی لاش پانی میں تیرتی ملی۔
یہ واقع رام پور بلاک کے اماٶں موضع کا ہے۔ بتایا جاتا ہے کہ موضع کے شیودھانی رام کا چودہ سالہ لڑکا مکیش کمار دیر شام گاٶں کے ہی تالاب کے پاس بیت الخلا کے لیے گیا تھا۔
کافی وقت گزرجانے کے بعد جب مکیش نہیں لوٹا تو کنبہ کے لوگوں نے مکیش کی تلاش شروع کردی لیکن رات زیادہ ہونے کے وجہ سے اس کا پتہ نہیں چل سکا۔
صبح کے وقت جب مقامی لوگ تالاب کی جانب گئے تو انھیں مکیش کی لاش ندی کنارے پڑی ملی جس کے بعد مقامی لوگوں نے ہی اس کی اطلاع کنبہ اور مقامی تھانہ کو دی۔
موقع پر پہنچی کرمچٹ پولس نے لاش کو قبضہ میں کر بھبھوا صدر ہسپتال میں پوسٹ مارٹم کے لیے روانہ کردیا جس جے بعد مکیش کی آخری رسومات ادا کرن کے لیے لاش اس کے اہلخانہ کے سپرد کردی گئی۔
