بہار کے سیتا مڑھی میں منگل کی رات دیر گئے سدھی آشرم بڑی کاٹیج کے قریب زمین تنازع میں ایک مزہبی پیشوا کو گولی مار کر ہلاک کردیا گیا۔
لڑائی کے دوران ایک خاتون شدید طور سے زخمی ہوگئیں۔ فائرنگ کی آواز سن کر مقامی لوگ موقع پر جمع ہوگئے۔ بھیڑ دیکھ کر حملہ آور وہاں سے فرار ہوگئے۔
واقعہ کی اطلاع ملتے ہی ایس ڈی پی او صدر راماکانت اپادھیائے سرکل انسپکٹر وجے یادو پولیس فورس کے ساتھ موقع پر پہنچ گئے۔ زخمی مذہبی پیشوا اور ایک خاتون کو علاج کے لئے اسپتال میں داخل کرایا گیا۔ جہاں ڈاکٹروں نے مہنت ہری نارائن داس کو مردہ قرار دے دیا۔ وہیں، شدید زخمی خاتون کا علاج جاری ہے۔
اس معاملہ کے بارے میں ایس ڈی پی او صدر رماکانت اپادھیائے نے کہا کہ معاملہ کی جانچ کی جارہی ہیں۔ جلد ہی پولیس قصورواروں کو گرفتار کرے گی۔ ایس ڈی پی او نے کہا کہ کسی بھی صورت میں ضلع کا امن و امان خراب کرنے کی اجازت نہیں دی جائے گی۔
زمین تنازع میں مذہبی پیشوا کے قتل میں زخمی ہونے والی سنیتا دیوی نے بتایا کہ کہ زمین پر مٹی ڈالنے کا کام چل رہا تھا۔ زخمیوں کے بیان پر ایڈووکیٹ شیوم کمار ستیام، نرملا مشرا اور بہت سے دیگر افراد کو ملزم بنایا گیا۔ واضح رہے کہ اس معاملہ میں عدالت میں اراضی تنازع کا ایک مقدمہ چل رہا ہے۔
