بہار میں 1928 نئے کورونا مثبت معاملے

پٹنہ ضلع میں 298 سمیت بہار کے سبھی اڑتیس اضلاع میں گذشتہ چوبیس گھنٹے کے دوران کورونا انفیکشن کے 1928 نئے معاملوںکی تصدیق ہونے سے ریاست میں اب تک کل متاثرین کی تعداد بڑھ کر 138265 ہوگئی ہے ۔

محکمہ صحت نے منگل کو 31 اگست کی رپورٹ کے حوالے سے بتایا کہ پٹنہ ضلع میں ایک بار پھر سب سے زیادہ 298 مثبت ملے ہیں جس سے یہاں کووڈ۔ 19 کی زد میں آئے لوگوںکی تعداد 21343 ہوگئی ہے۔ وہیں دو اضلاع میں 100 سے زائد پازیٹیو معاملے سامنے آئے ہیں ۔ ان میں مدھوبنی ضلع کے 113 اور ارریہ میں 103 متاثر ملے ہیں۔
بھاگلپور میں 86 ، مظفر پور میں 83 ، سپول میں 77 ، پورنیہ میں 71 ، بیگو سرائے میں 70 ،سہرسہ میں 61 ، مشرقی چمپارن میں 58 ، گوپال گنج میں 55 ، مدھے پورا میں 52 ، کٹیہار میں 51 ، نالندہ میں 48 ، سارن میں 46 ، دربھنگہ میں 43 ، کشن گنج ، سمستی پور اور سیتامڑھی مں 41-41 ، اورنگ آباد میں 39،مغربی چمپارن میں 38 اور گیامیں 37 لوگ کورونا کا شکار ہوئے ہیں۔
اس طرح جموئی اور شیخ پورا میں 33-33 ، جہان آباد میں 32 ، ارول میں 29 ، مونگیر میں 28 ، سیوان میں 27 ، ویشالی میں 25 ، بکسر میں 24 ، بانکا اور رہتاس میں 22-22 ، بھوجپور اور لکھی سرائے میں 21-21 ، کیمور ، کھگڑیا ور نوادہ میں 15-15 اور شیوہر میں 12 افراد کے کووڈ۔19 کی زد میں آنے کی تصدیق ہوئی ہے ۔
محکمہ نے بتایاکہ اس دوران اترپردیش کے بلیا اور جھارکھنڈ کے رام گڑھ کے ایک ۔ ایک شخص کی پٹنہ ، جھارکھنڈ کے گڑھوا اور پلامو کے ایک ۔ ایک شخص کی رہتاس میں اور اتر پردیش کے وارانسی کے ایک شخص کی سیمپل جانچ کیمور میںہوئی ہے ۔ جانچ رپورٹ میں یہ سبھی پازیٹیو پائے گئے ہیں۔