ہریانہ کے شہر پانی پت میں زرعی بل پاس ہونے کے خلاف یوتھ کانگریس کے کارکنان کی جانب سے 'کسان اکروش ٹریکٹر ریلی' کا اہتمام کیا گیا۔ یہ ریلی پانی پت کی اناج منڈی سے ہوتے ہوئے دہلی کے لیے روانا ہوئی۔ سمالکھا کے پاس پہنچنے پر پولیس نے انہیں روکنے کی کوشش کی۔ جب کانگریس کارکنان آگے بڑھے تو پولیس نے ان پر طاقت کا استعمال کیا۔ ریلی میں آئے لوگوں کو وہاں سے ہٹانے کے لیے پولیس نے واٹر کینن کا استعمال کیا۔
پولیس نے کانگریس کے کچھ کارکنان کو ہراست میں لیا۔ پولیس کی اس کاروائی سے کانگریس کے کارکنان کافی ناراض ہیں۔
یہ بھی پڑھیں: پارلیمنٹ کے احاطہ میں اپوزیشن ارکان کا احتجاجی مظاہرہ
خیال رہے کہ خیال راجیہ سبھا میں زرعی بل زبردست ہنگامہ کے دوران منظور کر لیا گیا۔ اس بل کی منظوری کے بعد سے حزب اختلاف پارٹیاں سڑکوں پر ملک کے دیگر حصوں میں احتجاج کر رہی ہیں۔ کانگریس اس کے خلاف مسلسل احتجاج کر رہی ہے۔ اسی سلسلے میں آج 'کسان آکروش ٹریکٹر ریلی' کا اہتمام کیا گیا تھا۔
