آئندہ 15 اگست کے یوم آزادی کے موقع پر قومی تہوار کو خوشگوار، روایتی اور دھوم دھام سے منانے کے مقصد سے سیکوریٹی کے نقطہ نظر سے پولیس کمشنر، ضلع گوتم بدھ نگر نوئیڈا کی سیکوریٹی کے لیے گراؤنڈ زیرو پر کام کر رہی ہے۔
قومی راجدھانی دہلی سے ملحقہ نوئیڈا سے دلی جانے والی شاہراہ پر بھی خصوصی توجہ دی جا رہی ہے تاکہ کوئی بھی شر پسند عناصر اتر پردیش سے دہلی میں داخل نہ ہو سکے۔ یوم آزادی کے موقع پر پولیس کمشنر آلوک سنگھ نے اپنے ماتحت افسران کو سیکوریٹی کے حوالے سے خصوصی ہدایات جاری کی ہیں۔ جس کے تحت مختلف مقامات پر چیکنگ مہم چلائی جا رہی ہیں۔
مزید پڑھیں: کانپور معاملے میں نمائندہ نے دونوں کنبے سے بات کی
پولیس افسران اپنے اپنے علاقوں میں مختلف سطحوں پر کارروائی کو یقینی بنا رہے ہیں تاکہ 15 اگست کے موقع پر ضلع کی سیکوریٹی انتظامات کو معیار کے مطابق برقرار رکھا جائے۔ ضلع کے تمام تھانہ علاقوں میں رات گئے تک خصوصی گہری چیکنگ مہم چلائی جا رہی ہے۔ جس کا مقصد سیکوریٹی کے حوالے سے سماج دشمن عناصر کے خلاف کارروائی کو یقینی بنانا ہے۔
