نوئیڈا: اتر پردیش میں ہونے والے اسمبلی انتخابات Uttar Pradesh Assembly Election 2022 میں جہاں ایک طرف بی جے پی، سماج وادی پارٹی، کانگریس، بہوجن سماج پارٹی اور عام آدمی پارٹی جیسی جماعتیں حصہ لے رہی ہیں تو دوسری طرف ان تمام متبادل کے طور پر راشٹریہ نرمان پارٹی Rashtriya Nirman Party حصہ لے گی۔ اتر پردیش نوئیڈا کے میڈیا کلب Noida Media Club میں اس کا اعلان کرتے ہوئے پارٹی کے قومی صدر ڈاکٹر آنند کمار نے کیا۔
ڈاکٹر آنند کمار Dr Anand Kumar نے مغربی بنگال، اروناچل پردیش، آسام، مدھیہ پردیش اور دہلی میں ڈیپوٹیشن پر محکمۂ داخلہ کے سینیئر پولیس افسر کے طور پر خدمات انجام دی ہیں۔
ڈاکٹر کمار نے کہا کہ ''سب کی ترقی میں اپنی ترقی'' یہ ہمارے سیاسی فلسفے کی بنیاد ہے، جبکہ اکثر سیاستدان اور جماعتیں اپنی یا اپنے پیاروں کی ترقی میں مصروف ہیں۔ اپنے اردگرد نظر ڈالیں، آپ کو پتہ چل جائے گا کہ رکن اسمبلی، رکن پارلیمان یا وزیر بننے کے بعد کس نے کتنی ترقی کی ہے۔ قوم کی تعمیر کے نام سے ہی واضح ہے کہ ہم قومی مفاد پر کبھی سمجھوتہ نہیں کریں گے۔ ہم ایسا کوئی کام نہیں کریں گے جو ملک کی ترقی میں رکاوٹ ہو۔
ڈاکٹر کمار نے کہا کہ میں اتر پردیش کے لوگوں کو یقین دلاتا ہوں کہ ہر فرد کو تعلیم یافتہ، محنتی اور روحانی و ثقافتی اقدار سے مالا مال بنانا راشٹریہ نرمان پارٹی کی اولین ترجیح ہوگی۔ اتر پردیش سمیت پورا ملک بڑھتی ہوئی بے روزگاری کے مسئلے سے دوچار ہے۔ لکھنؤ میں روزانہ ہزاروں بے روزگار نوجوان احتجاج کر رہے ہیں، پولیس کی لاٹھیاں کھا رہے ہیں، روزگار کا مطالبہ کر رہے ہیں۔
موجودہ اور سابقہ حکومتوں کی غلط معاشی پالیسیوں کی وجہ سے صنعتیں، کارخانے تباہی کے دہانے پر ہیں اور پڑھے لکھے اور ناخواندہ نوجوان بے روزگار ہو رہے ہیں۔ راشٹریہ نرمان پارٹی Rashtriya Nirman Party ان بے روزگار نوجوانوں کو روزگار کی ضمانت دیتی ہے۔ اس کے لیے مقامی صنعت کاروں، تاجروں اور کاروباری افراد کو تحفظ اور فروغ دیا جائے گا۔ زراعت، باغبانی، ادویاتی درختوں، جنگلات اور پانی کو محفوظ کر کے ان پر مبنی صنعتیں قائم کی جائیں گی۔ ہنر مندی اور تکنیکی ترقی کے لیے تربیت دی جائے گی۔
مزید پڑھیں:
پریس کانفرنس میں پارٹی کے ڈاکٹر کمار راجیش قومی نائب صدر، منوج گلاٹی قومی جنرل سکریٹری، ستپال کالرا نائب صدر دہلی ریاست، دانویر ودیالنکر خزانچی، وریندر سوریاونشی جنرل سکریٹری دہلی ریاست، سنجیو گوسوامی ترجمان دہلی ریاست موجود تھے۔
