بھیم راؤ کورے گاؤں تشدد معاملے میں مہاراشٹر پولیس نے دہلی یونیورسٹی میں انگریزی کے پروفیسر ہنی بابوکے ضلع نوئیڈا میں واقع رہائش گاہ پر چھاپہ مارا۔
پروفیسر ہنی بابو نوئیڈاکے سیکٹر 78 ہائڈ پارک سوسائٹی میں رہتے ہیں، جس وقت چھاپے مارنے کی کاروائی ہوئی اس وقت پروفیسر ہنی بابو فلیٹ میں موجود تھے۔
چھاپے ماری کے دوران پولیس نے کچھ کتابیں ضبط کیں اور ان کا پنچنامہ کرا کر اپنے ساتھ لے گئی۔
پونے کی پولیس کے علاوہ نوئیڈا ایس پی کرشن بیبھو کا بھی اس چھاپہ ماری اہم کردار رہا ہے۔
سیکٹر49 کی پولیس بھی اس ٹیم کے ہمراہ تھی حالانکہ کسی کی گرفتاری عمل میں نہیں آئی۔
واضح رہے کہ 2018 میں کورے گاؤں تشدد میں ہنی کا نام سامنے آیا تھا جس میں کئی لوگوں کو نکسلیوں سے تعلقات کی بنیاد پر نظر بند کر دیا گیا تھا جس میں ڈی یو کے پروفیسر ہنی بابو کا بھی نام آیا تھا جس کی بنیاد پر نوئیڈامیں ان کی رہائش گاہ پر چھاپہ مارا گیا ۔
کورے گاؤں میں تشدد کی شکل اختیار کرنے کی وجہ سے دوران تصادم ایک شخص کی موت واقع ہوئی تھی۔
