اترپردیش کے ضلع گوتم بدھ نگر انتظامیہ نے نئے سال کا جشن منانے کے لیے منعقد کی جانی والی تقاریب کی اجازت لینا ضروری قرار دیا ہے۔
تفریحی پروگرامز کے لیے اجازت لازمی
2019 کے اختتام اور نئے سال کی آمد کے موقع پر تفریحی پروگرامزکے انعقاد کے لیے گوتم بدھ نگر کی مقامی انتظامیہ سے اجازت حاصل کرنا ضروری ہے۔
اس سلسلے میں نوئیڈا ضلع مجسٹریٹ بی این سنگھ کی ہدایت پر ضلع کے تفریحی محکمہ کی جانب سے ایک ایڈوائزری جاری کی گئی ہے، اس سلسلے میں ڈسٹرکٹ انٹرٹینمنٹ ٹیکس آفیسر جے پی چند نے تفصیلی معلومات جاری کی ہیں۔
اجازت نہیں لینے کی صورت میں ضلع انتطامیہ پروگرامزکے منتظمین کے خلاف کاروائی کرے گی۔ اس فیصلے سےلوگوں میں ایک قسم کی بے چینی پائی جا رہی ہے۔ نوئیڈا اور گریٹر نوئیڈا کا شمار ماڈرن شہر میں ہوتا ہے۔جہاں نئے سال کی آمد کے ساتھ ہی بہت سے پروگرام منعقد ہوتے ہیں۔
