بدھ کے روز عالمی یوم خوراک کے موقع پر محکمہ زراعت اور محکمہ خواتین و اطفال کی ترقی کے زیراہتمام نوئیڈا کے گجھا کے آنگن واڑی مرکز میں ایک نیوٹریشن گارڈن تعمیر کی گئی۔
اس کا افتتاح مرکزی وزارت زراعت کی جوائنٹ سکریٹری شبھرا ٹھاکر ، کرنل آدتیہ چوپڑا ، جوائنٹ ڈائریکٹر برائے غذائیت مہم (حکومت ہند) نے کیا۔ اس موقع پر ، چیف ڈویلپمنٹ آفیسر انیل سنگھ اور ڈپٹی ڈائریکٹر زراعت سمیت خواتین اور مردوں کی ایک بڑی تعداد نے شرکت کی۔ اس موقع پر حاملہ خواتین کو غذائیت سے بھرپور کھانا اور پھل دیئے گئے ۔
ڈسٹرکٹ پروگرام آفیسر پونم تیواری نے بتایا کہ نیوٹریشن گارڈن بنانے کا بنیادی مقصد حاملہ خواتین اور غذائیت کا شکار بچوں کے کھانے میں متناسب سبزیاں شامل کرنا ہے۔ انہوں نے بتایا کہ بدھ کے روز منعقدہ پروگرام میں موجود عہدیداروں کو یقین دہانی کرائی گئی ہے کہ مستقبل میں بھی ایسے ہی نیوٹریشن گارڈن تیار کرکے خواتین اور بچوں کی غذائی حیثیت کو بہتر بنایا جائے گا۔
