نوئیڈا مہانگر کانگریس آفس میں سماج وادی پارٹی ملائم سنگھ یوتھ بریگیڈ، نوئیڈا اسمبلی حلقہ کے صدر اجیت بسواس نے اپنے حامیوں سمیت کانگریس پارٹی میں شمولیت اختیار کی۔
کانگریس مہانگر صدر رام کمار تنور نے سبھی افراد کو کانگریس کی رکنیت کا حلف دلایا۔
اس موقع پر اجیت بسواس نے کہا کہ ’’اتر پردیش میں اگر کوئی مسلسل سڑکوں پر احتجاج کر رہا ہے تو کانگریس پارٹی پرینکا گاندھی کی قیادت میں کر رہی ہے۔ کسانوں سے لے کر طلباء تک خود کانگریس مسلسل جدوجہد کر رہی ہے۔‘‘
مزید پڑھیں؛ نوئیڈا میں والمیکی چیتنا یاترا کا انعقاد
انہوں نے کہا کہ کانگریس کی پالیسیوں سے متاثر ہو کر انہوں نے کانگریس کا ہاتھ تھامنے کا فیصلہ کیا ہے۔
میٹروپولیٹن صدر رام کمار تنور نے کہا کہ اجیت بشواس اور ان کی ٹیم کے آنے سے نوئیڈا اسمبلی حلقہ میں کانگریس کو تقویت ملے گی۔
