نوئیڈا: ضلع گوتم بدھ نگر نوئیڈا میں وجے دشمی تہوار یعنی دسہرہ کو پرامن اور روایتی طریقے سے منانے اور کسی بھی ناخوشگوار واقعے سے نمٹنے کے لئے پولیس کمشنری نوئیڈا کی پوری ٹیم الرٹ پر ہے اور گراؤنڈ زیرو پر کارروائی کررہی ہے۔
سینیئر پولیس افسران کی قیادت میں پورے ضلع، جہاں ایک طرف پولیس پیدل مارچ کررہی ہے، تو دوسری طرف سیکوریٹی کے نقطۂ نظر سے ضلع کے تمام تھانوں کے علاقوں میں خصوصی چیکنگ مہم چلائی جارہی ہے۔ کورونا کے حوالے سے لوگوں کو آگاہ بھی کیا جارہا ہے۔
- مزید پڑھیں: نوئیڈا: ہندوؤں اور مسلمانوں نے مل بیٹھ کر آپسی جھگڑا سلجھایا
- کیا مسلم طلبا کا واٹس ایپ گروپ بنانا عسکریت پسندانہ عمل ہے: ایڈوکیٹ تردیپ پیس
دراصل بات یہ ہے کہ زیادہ بھیڑ کی وجہ سے منچلے افراد بھی درمیان میں گھس جاتے ہیں اور نازیبا حرکتیں کرتے ہیں جس سے اکثر بھگدڑ مچ جاتی ہے، ایسے عناصر کے خلاف پولیس نے مخصوص تیاری کررکھی ہے۔ زیادہ بھیڑ کی وجہ سے نوئیڈا اسٹیڈیم کی جانب جانے والے تمام راستوں پر بھاری گاڑیوں کی آمد و رفت بند کردی گئی ہے۔
