نوئیڈا: اترپردیش کے وزیر اعلی یوگی آدتیہ ناتھ، نوئیڈا کے رکن پارلیمنٹ اور رکن اسمبلی کے ارکان کی تصاویر اور ہورڈنگ پھاڑنے والے کے خلاف پولیس نے ایف آئی آر درج کیا ہے۔
یوگی آدتیہ ناتھ 22 ستمبر کو گوتم بدھ نگر میں دادری کا دورہ کرنے والے ہیں۔ اس دوران وہ سمراٹ میہر بھوج کے مجسمے کی نقاب کشائی کریں گے۔ اس سلسلے میں مقامی لوگوں اور بی جے پی کارکنوں نے مختلف جگہوں پر وزیر اعلیٰ یوگی، مقامی ایم پی اور رکن اسمبلی کی تصاویر کے ساتھ ہورڈنگز لگائے ہیں۔
وزیراعلی کے دورہ کی ایک خاص کمیونٹی کے لوگ مخالفت کر رہے ہیں۔ اس سلسلے میں کچھ لوگوں نے علاقے میں وزیر اعلیٰ کے ہورڈنگز پھاڑ کر انہیں تباہ کر دیا۔
مزید پڑھیں: راکیش ٹکیت نے کسان رہنما کو یرغمال بنائے جانے کا الزام عائد کیا
اس معاملے میں ایک شخص کی شکایت پر کوتوالی دادری پولیس نے مقدمہ درج کیا ہے۔ پولیس کے مطابق ملزم کو جلد گرفتار کر لیا جائے گا۔
