غیر قانونی کیمیکل دکان مالکان پر ایف آئی آر درج، 3 گرفتار

نوئیڈا کے سٹی مجیسٹریٹ شیلیندر کمار نے کہا کہ 'آئندہ بھی اسی طرح کی کاروائی جاری رہے گی تاکہ ضلع کی کسی بھی دکان پر تیزاب فروخت نہیں کیا جاسکے۔

ریاست اتر پردیش کے صنعتی شہر نوئیڈا کے سٹی مجسٹریٹ نوئیڈا شیلندر کمار مشرا کے ذریعہ غیر قانونی طور پر چلائے جانے والے کیمیائی دکان کے خلاف مہم چلائی جا رہی ہے۔

اس تناظر میں سٹی مجیسٹریٹ نوئیڈا کی جانب سے،جے بی کیمیکل ایف 52 سیکٹر 9 نوئیڈا، چتکارا کیمیکل سوہن مارکیٹ سیکٹر 5 نوئیڈا اور درگا پلاسٹک پر غیر قانونی طور پر تیزاب فروخت کرنے پر پوائزن ایکٹ کے تحت ایف آئی آر درج کر کے 3 افراد کو حراست میں لے لیا گیا۔

غیر قانونی کیمیکل دکان مالکان پر ایف آئی آر درج، 3 گرفتار

موقع سے 920 کلوگرام سلفورک ایسڈ اور ہائیڈرولک ایسڈ اور 220 کلو ہائولین مرکب ایسڈ ضبط کیا گیا۔

سٹی مجیسٹریٹ شیلیندر کمار نے کہا کہ 'آئندہ بھی اسی طرح کی کاروائی جاری رہے گی تاکہ ضلع کی کسی بھی دکان پر تیزاب فروخت نہیں کیا جاسکے بصورت دیگر اگر غیر قانونی طور پر تیزاب فروخت ہوتا ہوا پایا گیا تو متعلقہ افراد کے خلاف بھی ایسی ہی کاروائی عمل میں لائی جائے گی۔