چلتی بس میں آتشزدگی، مسافر بچائے گئے

حادثے میں کسی طرح کے جانی نقصان کی کوئی اطلاع نہیں ہے۔ ڈرائیور اور کنڈکٹر سبھی مسافروں کو باہر نکالنے میں کامیاب ہو گئے۔

ضلع گوتم بودھ نگر کے تحت نوئیڈا کے سیکٹر 28 میں سواریوں سے بھری ایک چلتی ہوئی ڈی ٹی سی بس میں اچانک آگ لگ گئی اور افراتفری کا ماحول پیدا ہو گیا۔

ڈرائیور نے سوجھ بوجھ کا مظاہرہ کرتے ہوئے فوری تمام مسافروں کو بحفاظت باہر نکال لیا۔ کسی بھی مسافر کو کوئی نقصان نہیں پہنچا۔

قومی دارالحکومت دہلی کے نند نگری ڈپو کی بس بھجن پورا سے نوئیڈا کے سیکٹر 43 جا رہی تھی۔ تبھی سیکٹر 28 کے قریب اچانک آگ لگ گئی اور جلنے لگی۔ لیکن حادثے میں کسی طرح کے جانی نقصان کی کوئی اطلاع نہیں ہے۔ ڈرائیور اور کنڈکٹر سبھی مسافروں کو باہر نکالنے میں کامیاب ہو گئے۔

اس دوران فائر بریگیڈ مطلع کیا گیا۔ تین گاڑیوں نے آگ پر قابو تو پایا لیکن تب تک بس پوری طرح جل چکی تھی۔ بس میں آگ کس وجہ سے لگی اس کا پتہ ابھی نہیں چل پایا ہے۔