اترپردیش یوتھ کانگریس کے ریاستی صدر اوم ویر یادو کی قیادت میں راجیو گاندھی رسوئی کے ذریعہ ضرورت مند غریب لوگوں میں مسلسل کھانا تقسیم کیا جارہا ہے۔
روزانہ کی طرح اسٹیٹ کیمپ آفس بی ایچ پی سیکٹر 70 نوئیڈا میں غریب اور ضرورت مندوں کو کھانا تقسیم کیا گیا۔
راجیو گاندھی رسوئی کے تحت کھانا کی تقسیم بلاک چیف اور ریاستی سکریٹری کانگریس کمیٹی اتر پردیش اور سٹی صدر شہاب الدین کے ذریعہ شروع کیا گیا۔
ودیت چودھری نے کہا کہ میں اوم ویر یادو سمیت تمام یوتھ کانگریس کے ساتھیوں کا شکریہ ادا کرتا ہوں کہ راجیو گاندھی رسوئی کی طرف سے پرینکا اور راہل کی ہدایت پر غریبوں میں کھانا تقسیم کیا جارہا ہے۔
سٹی صدر شہاب الدین نے کہا "میں یوتھ کانگریس کے ساتھیوں کا شکریہ ادا کرتا ہوں اور میں وعدہ کرتا ہوں کہ آپ کے کندھے سے کندھا ملا کر غریب مزدور کی آواز بلند کرنے کے لیے ہمیشہ آپ کے ساتھ ہوں۔
ریاستی صدر اوم ویر یادو نے کہا کہ راجیو گاندھی رسوئی کے ذریعہ کھانا تقسیم کیا جارہا ہے، ضرورت مند لوگوں کے لیے آگے بھی جاری رہے گا اور یوتھ کانگریس ہر ضرورت مند کی ضرورت کو پورا کرنے کے لیے کام کرے گی۔
