آگرہ سے فرار انعامی بدمعاش پولیس تصادم کے بعد نوئیڈا میں گرفتار

آج پولیس نے تصادم کے بعد زخمی انعامی بدمعاش سچن چوہان عرف پپو ولد شری پال سنگھ ساکن راجپور کالا تھانہ کورہ ضلع مین پوری کو گرفتار کر لیا ہے

اتر پردیش کے ضلع گوتم بدھ نگر نوئیڈا کی تھانہ ایکوٹیک 3 پولیس نے امر پالی مال کے پیچھے ڈی پارک پولیس چوکی کے قریب تصادم میں سچن چوہان کو گولی لگنے کے بعد زخمی حالت میں گرفتار کیا ہے۔

زخمی بدمعاش کے قبضے سے ایک پستول 315 بور اور دو زندہ کارتوس 315 بور اور چوری کی ایک پیشن پرو موٹر سائیکل برآمد ہوئی ہے۔

ضلع آگرہ کے تھانہ سیاں میں قتل کے مقدمے میں ملزم سال 2018 سے مفرور تھا، جس میں ملزم پر 15000 روپے انعام کا اعلان کیا گیا تھا۔

ملزم کی تفصیلی مجرمانہ تاریخ کی تفتیش کی جا رہی ہے۔ فی الحال ملزم کو علاج کے لئے اسپتال میں داخل کرایا گیا ہے۔