نئے ضابطوں کے مطابق ضلع میں بغیر اجازت عوامی پروگرامس منعقد نہیں کیے جا سکتے ہیں۔ اس کے لیے پولیس اور مقامی افسر سے اجازت لینی ہوگی۔ تاہم اجازت کا عمل آن لائن فراہم کیا گیا ہے۔
کورونا وائرس پر قابو پانے کے لیے بے ترتیب ٹیسٹ کیے جائیں گے۔ اس کے علاوہ میٹرو اسٹیشن، بس اسٹیشن، بھیڑ بھاڑ کے مقامات اور سرحد پر رینڈم ٹیسٹ کیے جائیں گے۔
گوتم بودھ نگر کے اسپتالوں کو تیار رہنے کے لیے کہا گیا ہے۔ ڈی ایم سہاس ایل وائی نے شہریوں سے اپیل کی ہےکہ وہ نئی ہدایات پر عمل کریں۔
انہوں نے تمام لوگوں سے ماسک پہننے کے لیے کہا ہے تاکہ کورونا انفیکشن کے بڑھتے ہوئے معملات پر قابو پایا جاسکے۔
ضلع مجسٹریٹ نے کہا کہ تہواروں پر کوئی پابندی نہیں ہوگی۔ لوگوں کی تعداد کی کوئی قید نہیں ہے۔ تاہم سماجی پروگراموں کے لیے اجازت لینی ہوگی۔
اجازت مقامی انتظامیہ اور پولیس سے ای میل کے ذریعہ حاصل کی جاسکتی ہے۔ پروگرام کے دوران لوگوں کو کورونا کے پروٹوکول پر عمل پیرا ہونا ہو گا۔
