اس کے علاوہ چیف ڈیولپمنٹ آفیسر انل کمار سنگھ اور ڈپٹی کلکٹر سنجے مشرا بھی موجود تھے۔ کووڈ 19 وائرس میں مبتلا افراد کے علاج و معالجے اور ڈاکٹروں اور پیرامیڈیکل عملے کی حفاظت کے بارے میں جِمس کے ڈائریکٹر بریگیڈ راکیش گپتا اور ان کی ٹیم کے ذریعہ تبادلہ خیال کیا گیا۔ کون سا مریض کس ہسپتال میں جائے گا اس بارے میں تبادلہ خیال کیا گیا۔ چائلڈ پی جی آئی میں داخل مریضوں کے سلسلے میں تبادلہ خیال کیا گیا اور نمونہ رپورٹ پر تفصیل سے بات چیت کی گئ۔
نوئڈا میں کورونا وائرس کے کل 134 مریض ہیں۔ نوئڈا انتظامیہ کورونا کے مریض اور زیادہ نہ بڑھیں اس کے لیے کوشش کر رہی ہے۔
قابل ذکر ہے کہ اتر پردیش میں مسلسل کووڈ-19 کے مریضوں کی تعداد میں اضافہ ہو رہا ہے۔ گزشتہ 12 گھنٹوں میں 57 نئے مریض سامنے آئے ہیں۔ وہیں اتر پردیش میں کل کورونا مریضوں کی تعداد 2043 ہو گئی ہے۔ یہاں کورونا وائرس سے اب تک 31 افراد ہلاک ہو چکے ہیں۔ اتر پردیش میں 399 افراد کورونا وائرس سے ٹھیک ہو چکے ہیں۔
