تلنگانہ :کاماریڈی ضلع میں سڑک حادثہ، دو ہلاک

تلنگانہ میں دو الگ الگ جگہوں میں سڑک حادثہ کےواقعات پیش آئے ہیں جن میں دونوں کے ہلاک ہونے کی اطلاع ہے پولیس نے ان دونوں حادثات کے سلسلہ میں معاملہ درج کرکے جانچ شروع کردی۔

ریاست تلنگانہ کے ضلع کاماریڈی میں پیش آئے سڑک حادثے میں دو افراد کے ۃلاک ہونے کی اطلاع ہے۔

تفصیل کے مطابق پہلا حادثہ کنتالی گاؤں میں اس وقت پیش آیا جب ٹریکٹر کے ڈرائیور نے توازن کھودیا اور ٹریکٹر اس پر گر پڑا۔ مرنے والے شخص کی شناخت سنتوش کے طور پر کی گئی ہے۔

ایک اور حادثہ دگی گاؤں کی قومی شاہراہ نمبر 44 پر اس وقت پیش آیا جب 32 سالہ ملیش نے بائیک کا توازن کھودیا اور بائک سے گر پڑا۔

اس کا تعلق ضلع نظام آباد سے تھا۔ پولیس نے ان دونوں حادثات کے سلسلہ میں معاملہ درج کرکے جانچ شروع کردی۔