بہار کے آشوتوش کی زندگی پلاسٹک مہم کے لیے وقف

ملک میں سنگل یوز پلاسٹک پر پابندی عائد کرنے کے لیے ایک مہم چل رہی ہے۔ ای ٹی وی بھارت بھی اس مہم کا ایک اہم حصہ بن گیا ہے۔ اس کی تھیم 'نو پلاسٹک لائف فینٹاسٹک' رکھی گئی ہے۔ اس مہم کی 23 ویں کڑی پر پیش ہے خصوصی رپورٹ۔

پلاسٹک کے استعمال کے خلاف آگاہی پھیلانے کے لیے ہلسا بہار کا ایک سماجی کارکن مستقل طور پر ایک مہم چلا رہا ہے۔ آشوتوش کمار جب نویں جماعت میں تھے، تب ہی سے وہ سماجی کاموں میں پیش پیش رہے ہیں۔

زیادہ تر آشوتوش ایک گاؤں سے دوسرے گاؤں جاتے ہیں، اور لوگوں کو پلاسٹک کے استعمال کے مضر اثرات سے آگاہ کرتے ہیں۔

بہار شریف میونسپل کارپوریشن کے کمشنر سورو کمار جوروال نے کہا کہ نہ صرف بڑے لوگ بلکہ بچے بھی ان کی باتیں سنتے ہیں۔ وہ اسکول میں جاکر بچوں کو بھی پلاسٹک کے نقصانات کی بابت بتاتے ہیں۔ ان کی باتیں نوجوانوں کو کافی ترغیب دیتی ہیں۔

وہ بچوں کے ساتھ ساتھ ان کے والدین سے بھی پلاسٹک کے مضر اثرات پر بات کرنے کو کہتے ہیں۔ وہ انھیں پلاسٹک کے استعمال کے خلاف عہد لینے کے لئے بھی تحریک دیتے ہیں۔

کمار کی بات چیت سے بچوں پر مثبت اثر پڑتا ہے، کیونکہ وہ تبدیلی کے ذریعہ بن رہے ہیں، اپنی باتوں کو پھیلاتے ہیں اور آس پاس کے لوگوں کو پلاسٹک کا استعمال نہ کرنے کا مشورہ دیتے ہیں۔

اس سے قبل انہوں نے پورے بہار میں 'گٹکھا چھوڑو' کی تحریک چلائی تھی۔ اب وہ 'سوچھّ بھارت مشن' اور 'جل جیون ہریالی' مہم سے وابستہ ہیں۔

ای ٹی وی بھارت سے گفتگو کرتے ہوئے آشوتوش نے کہا 'مجھے ہمیشہ سے ہی سماجی کام کرنے میں دلچسپی رہی ہے۔ 1991 میں، میں نے اپنے دوستوں کے ساتھ مل کر پلاسٹک کے استعمال کے خلاف پہلی مہم کا آغاز کیا۔ ہر اتوار کو ہم گٹر کو صاف کرتے تھے اور اپنی صفائی ستھرائی کے عمل کے دوران ہم نے محسوس کیا کہ پلاسٹک نکاسی پانی کے بہاؤ میں رکاوٹ کی سب سے بڑی وجہ ہے'۔

انہوں نے اپنی پوری زندگی معاشرے اور ملک کے لیے وقف کرنے کا فیصلہ کیا ہے۔ آشوتوش نے بتایا کہ انہوں نے شادی نہ کرنے اور سیاست سے دور رہنے کا عزم کیا ہے۔