ریاست اترپردیش کے ضلع مظفر نگر میں واقع دینی درسگاہوں پر کورونا وبا کا خاصا اثر پڑا ہے۔ہر کوئی اس وبا سے متاثر ہے۔کرونا وبا سے بھارتی عوام کو کافی مشکلات کا سامنا رہا ہے۔
انلاک 5 کے تحت 15 اکتوبر سے ہدایات کے مطابق پر عمل کرتے ہوئے اسکول کالج کے ساتھ ساتھ مدارس کھولیں جائیں گے۔ مظفر نگر میں واقع مسلم طالبات کا معروف ادارہ معہد البنات الاسلامی کے ناظم محمد اکرم ندوی نے بتایا کہ' اس کورونا وبا سے سب سے زیادہ نقصان، تعلیمی نقصان ہے۔ کیونکہ کسی حد تک ہر نقصان کی تلافی ممکن ہے، لیکن تعلیمی نقصانات کی تلافی ممکن نہیں۔
انہوں نے مزید کہاکہ' اس وبا کے پیش نظر طلبہ کارجحان بدلا ہے وہ پرھائی بجائے اب کام کی جانب راغب ہونے لگے ہیں لیکن ہماری اب یہی کوشش ہے کہ ان طلبہ کو بھی تعلیم دلائی جائے تاکہ وہ آگے تعلیم مکمل کر سکیں۔
اکرم ندوی نے کہاکہ' لاک ڈاؤن کے دوران ہم نے آن لائن تعلیم کے ذریعے طالبات کو پڑھانےکی کوشش کی ہے لیکن تمام طالبات کو کلاسز کی طرح تعلیم دی جائےیہ ممکن نہیں ہے، کیونکہ طالبات کا تعلق مختلف گھرانے سے ہوتا ہے۔ لہذا ایسے میں سب کا پڑھ پانا ممکن نہیں ہے۔
مزید پڑھیں:
'ڈی ایم کے رہتے سی بی آئی جانچ متاثر ہونے کا خدشہ'
انہوں نے مزید کہاکہ' اب ان لاک 5 کی گائیڈ لائن کے مطابق عمل کرتے ہوئے اب ہم لوگ اپنے تعلیمی نظام کو دوبارہ بحال کرنے کی کوشش میں ہیں، ساتھ ہی حکومت کی گائیڈ لائن پر پورے طور پر عمل کیا جائے گا۔
