مظفر نگر کے کلیکٹریٹ کے احاطے میں آج اے بی وی پی تنظیم کے بینر تلے سینکڑوں طلبا و طالبات نے جمع ہو کر کلاس 10 اور 12 کے نتائج سے متعلق ایک میمورینڈم دیا اور بتایا کہ سنہ 2020/21 یوپی بورڈ کے امتحان کے نتائج میں مارک شیٹ پر نمبر نہیں آنے کی وجہ سے لاکھوں طلباء و طالبات کا مستقبل خطرے میں پڑ گیا ہے۔ دراصل کورونا وائرس کی وجہ سے امتحان منعقد نہیں کرایا گیا ہے۔
طالبہ خزا زیدی کا کہنا ہے کہ کلاس 10 اور 12 کے نتائج سے ہم مایوس ہیں کیوں کہ ہماری مارک شیٹ میں اس مرتبہ کوئی بھی نمبر نہیں دیے گئے ہیں اور ہماری مارک شیٹ پر صرف پرموٹیڈ لکھا ہے۔
ہمیں بتایا گیا ہے کی پری بورڈ کے ایگزام کی طرز کے حساب سے مارک شیٹ میں نمبر دیے گئے ہیں جن طلباء و طلبات نے پری بورڈ اگزام نہیں دیے ان کی مارکس شیٹ پر پرموٹےڈ لکھا ہے اور جنہوں نے پری بورڈ ایگزام دیے ہیں ان کے نمبر ان کی مارکشیٹ میں دیے گئے ہیں۔
ان کا کہنا ہے کی اس سیشن سے پہلے پری بورڈ امتحان کو کوئی اہمیت نہیں دی جاتی تھی۔ کورونا وبا کے دور میں طلباء و طالبات نے پری بورڈ امتحان میں شرکت کو اپنی صحت کے لیے نقصان دہ سمجھا جس وجہ سے ہم پری بورڈ اگزام نہیں دے سکے۔
مزید پڑھیں:
مرادآباد: دسویں جماعت کا رزلٹ آنے کے بعد مبارکباد دینے کا سلسلہ جاری
اس سال کی مارک شیٹ میں پری بورڈ کو خاص ترجیح دے کر مارک شیٹ میں نمبر دیے گئے ہیں۔ ہم مطالبہ کرتے ہیں ہماری مارک شیٹ پر نمبر دیے جائیں تاکہ ہم آگے آنے والی کلاسوں میں آسانی کے ساتھ ایڈمیشن لے سکیں۔
