منشیات کی اس کھیپ کو تربوز کے درمیان چھپا کر ٹرک سے بریلی سے پنجاب لے جایا جارہا تھا۔ پولیس نے منشیات فروشوں کی حیثیت سے ٹرک میں سوار دو افراد کو بھی گرفتار کیا ہے۔ ایس پی نے اسمگلنگ کو بے نقاب کرنے والی پولیس ٹیم کو 25 ہزار روپے انعام دینے کا اعلان کیا ہے۔ اس دوران بریلی کے رہائشی شہباز اور مراد آباد کے رہائشی دانش کو گرفتار کیا گیا ہے۔
گرفتار اسمگلر شہباز اور دانش نے پولیس کو بتایا کہ انہیں اس کھیپ کو پہنچانے کے لیے 50 ہزار کی رقم ملنی تھی۔ بریلی سے تعلق رکھنے والے دو افراد نے اس منشیات کے سامان کو چنڈی گڑھ سے تقریبا 20 کلومیٹر آگے فراہمی کے لیے کہا تھا۔ اسمگلروں نے پولیس کو بتایا کہ کار میں تربوز اس لیے بھرے گئے تھے تاکہ پولیس کو شک نہ ہو۔ فی الحال پولیس ان دونوں اسمگلروں سے گہری تفتیش میں مصروف ہے۔
ایس پی ونیت جیسوال کا کہنا ہے کہ تھانہ جھنجھانہ نے قابل ستائش کام کیا ہے۔ اسمگلروں کے قبضے سے ساڑھے چار کلو اسمیک برآمد کیا ہے ، جس کی قیمت تقریبا ساڑھے چار کروڑ روپے ہے۔ پولیس ٹیم کو 25 ہزار روپے کے انعام کا بھی اعلان کیا گیا ہے۔
