پولیس ذرائع کے مطابق محلہ رام پوری باشندہ شریف آج بائیک پر اپنی بیوی افسانہ کے ساتھ منصور پور علاقے میں رشتہ داری میں جارہے تھے۔ انہوں نےبتایا کہ جان سٹھ روڈ پر بائی پاس پر جی ڈی گوینکا اسکول کے نزدیک تیز رفتار گاڑی نے بائیک کو ٹکر ماردی جس سے افسانہ کی موقع پر ہی موت ہوگئی جبکہ اس کا شوہر زخمی ہوگیا۔ جسے ہسپتال میں داخل کرایا گیا ہے۔
انہوں نے بتایا کہ حادثے کے بعد مقامی افراد نے ملزم گاڑی ڈرائیور کی گرفتاری کے سلسلے میں احتجاج کرنا چاہ رہے تھے لیکن اطلاع ملتے ہی سی او نئی منڈی ہمانشو گورو اور کوتوال انل کپروان پولیس ٹیم کے ساتھ موقع پر پہنچ گئے اور مشتعل مقامی افراد کو سمجھا بجھا کر انہیں خاموش کرایا۔ پولیس مفرور ڈرائیور کو تلاش کررہی ہے۔
یو این آئی
