اطلاعات کے مطابق مظفر نگر کے تھانہ سول لائن ایریا کے گاؤں سروٹ سے تعلق رکھنے والی زینب (25) نامی ایک خاتون نے بھانہ بھوپا کے علاقے میں گنگ نہر میں اس وقت چھلانگ لگا دی جب وہ سروٹ سے گاؤں توڑا جارہی تھی۔ پیچھے سے خاتون کی نند کا لڑکا شاہد (18) نے خاتون کو بچانے کے لیے نہر میں چھلانگ لگا دی۔
لوگوں نے جب یہ منظر دیکھا تو انہوں نے پولیس کو اس کی اطلاع دی، موقعے پر پہنچی پولیس نے چاروں کی تلاش شروع کردی، جبکہ خاتون کے اہل خانہ کو بھی اطلاع کردیا گیا وہ لوگ بھی موقع واردات پر پہنچے۔'
پولیس نے تلاش کے دوران ککرولی کے علاقے گاؤں دھنساری کے قریب نہر سے ایک بچی کی لاش برآمد کی۔ جبکہ خاتون، ایک بچی اور خاتون کے نند کے لڑکے کی تلاش جاری ہے۔ پولیس کے مطابق خاتون کے نہر میں کود نے کی وجوہات کو پتہ نہیں چل سکا ہے تاہم پولیس کارروائی کررہی ہے۔
زینب کے بارے میں بتایا جاتا ہے کہ وہ ہماچل پردیش کی رہائشی ہے، جس کی شادی تقریباً چار برس قبل سروٹ کے رہائشی پینٹر اقرار سے ہوئی تھی۔ اقرار ابھی ہماچل میں ہی روزگار کی تلاش میں گیا ہوا ہے۔
