مظفر نگر: لوگوں نے نماز گھروں میں ادا کی

ریاست اُتر پردیش کے ضلع مظفر نگر کے ایس ایس پی ابھیشیک یادو نے جمعے کے دن مسلماوں سے گھر میں ہی نماز پڑھنے کی اپیل کی تھی جس کے بعد مساجد میں تالے نظر آئے اور لوگوں نے گھروں میں نماز ادا کی۔

کورونا وائرس کے پھیلاؤ کو روکنے کے لیے 21 روز لاک ڈوان کے موقعے پر مظفر نگر ایس ایس پی نے مسلم سماج سے گھروں میں رہ کر نماز پڑھنے کی اپیل کی تھی جس کے بعد آج شہر کی مساجد میں تالے نظر آئے اور لوگوں نے گھروں میں ہی نماز ادا کی۔

اس دوران ایس ایس پی ابھیشیک یادو نے پولیس فورس کے ہمراہ شہر کا دورہ کیا اور دیکھا کہ لوگوں نے گھروں میں ہی نماز پڑھی ہے۔

اس موقعے پر انہوں نے کہا کہ' لوگوں نے لاک ڈاؤن کا احترام کرتے ہوئے گھروں میں نماز ادا کی اور گھروں سے باہر نہیں آئے'۔