ریاست اترپردیش کے ضلع مظفر نگر کے ابو پورہ پہنچ دھرا سادات میں واقع امام بارگاہ میں شب عاشورہ کے موقع پرمجلس منعقد کی گئی۔ یوں تو محرالحرام کی پہلی تاریخ سے ہی مجلس کا سلسلہ شروع ہو جاتا ہے اور دسویں شب کے موقع پر شب عاشورہ کے نام سے خصوصی محفل کا انعقاد کیا جاتا ہے۔ عقیدت مند اس موقع پر شب بیداری کرتے ہوئے عبادت و ریاضت میں مشغول رہتے ہیں-
مولانا حسین مہندی کا کہنا ہے کہ محرالحرام کی پہلی تاریخ سے مجالس کا سلسلہ شروع ہو جاتا ہے اور یہ دسویں شب شب عاشورہ کے نام سے مشہور ہے۔ یعنی دسویں شب میں حضرت امام حسین رضی اللہ عنہ اور اہل بیت اپنے اصحاب کے ساتھ کربلا میں موجود تھے۔ رات بھر امام حسین رضی اللہ عنہ، اہل بیت اور اصحاب اپنی زندگی کی آحری عبادت میں مصروف رہے۔ ان کی ہی یاد میں عقیدت مند شب بیداری کرتے ہوئے مرثیہ بیان کرتے ہیں اور ایک دوسرے کو تعزیت پیش کرتے ہیں۔
مزید پڑھیں:حضرت امام حسینؓ کی شہادت سبق آموز ہے: مولانا عالم قاسمی
انہوں نے مزید کہا کہ اس موقع پر تمام مسلمانوں کو حضرت امام حسین رضی اللہ عنہ کی شہادت کی تعزیت پیش کی جاتی ہے۔
